糖波波的晚上

傳統嘢有時都幾得意...

糖波波... 係我第一次見第一次吹... 感覺好得意... 每一吹一個鬥大... 好簡單... 但已經好開心...!!

蛋型大菜糕... 見得多... 今次還是第一次試... 香蕉味... 真係估佢唔到...!!

隨意坐喺球場地下... 食食食... hehehaha... 又一晚...

Simple and Perfect Life 是也...

摸爆團

完成了... 17th 18th... 摸爆團...

最終成團人都係我識嘅人...

雖然今次啲團友之前係唔認識... 不過又真係玩得又融合又開心...

摸完蜆... 玩咗3個遊戲... 成功地每個遊戲都好開心... 仲笑爆咀...

閒時一班人出走一吓... 實在不錯...

< Love in A Puff >

煙, 粗口, 吹水, 八卦, 賤, hea, 列堤頓道, Land Rover, 渠王, 怪風, だめsmoke, 轉台 & etc....

發生喺套戲裡面.... 亦都發生喺我生活裡面...

有共同嘅嘢... 就有共鳴... 睇得就更加投入...

相信呢個generation嘅人都會有一定嘅共鳴... 只係或多或少...

雖然一點兒嘅感動都無... 但係單單果種共鳴... 就已經令人睇得津津有味...

無錯...

armchannel

好電影...

好耐好耐都無睇過一套會叫好嘅電影...

我嘅歷史知識不摟都係空白... 更何況係德國歷史... 睇完呢套戲唔會令我對歷史增加興趣... 不過就更加令我感到人的確係有感情嘅動物... 對身邊人嘅感情... 對陌生人嘅感情... 對藝術嘅感情... 對音樂嘅感情... 這些都感動了人... 節奏沒有快慢... 戲情沒有好大嘅起伏... 但令人會想繼續看下去...

一套好電影會感動人... 因為人就是有感情嘅動物...

慳啲...

全世界天氣反常, 四周圍都有天災...

雖然果啲天災唔係喺自己嘅地方發生, 不過每次聽到呢啲新聞, 個心總係有啲不安!

之前海嘯... 令我學習到唔好浪費食物... 近日中國旱災... 又令我學習到唔好浪費食水...

慳啲食物... 慳啲水... 慳啲電... 慳啲紙... 慳啲塑膠...

喺能力範圍內... 一齊慳啲一齊做...

One FUN Day...

見到個沙灘... 真係無心機去影相... 因為... 個心已經衝咗出去...

好努力咁... 係咁掘... 係咁掘...

d蜆真係又大隻又好味... :P

原來香港仲有d又靚又好玩嘅地方...

雖然玩左個幾兩個鐘... 好倦... 不過都覺得唔夠...
未走就已經諗定要再黎多一次... 原來唔係得我一個咁諗... ^^

17th... 18th... Go Go Go...!!!

凍到無朋友

農曆新年後病咗2個禮拜, 啱啱叫做好番, 天氣又凍到得9度! 真係痴筋!!

朋友有句金句真係好啱洗... "凍到無朋友!"

新年放咗8日大假, 就係因為凍, 一連幾日嘅活動都要取消! 唉! 本來同啲朋友仔聯誼,就變咗同Harry Porter渡過! 一次過睇晒6集,好過你叫我分開唔知幾多年去睇! 講講下, 仲有唔知幾多集嘅Star War等梗我! 唉! 幾時又有8日假俾我一次過睇呀?!

放假放假放假.....

尊重自己... 尊重別人...

"你見唔見到大肚婆呀? 佢肚餓呀! 你快啲俾佢先呀!" 有人喺酒席開始上菜時,對侍應嘅呼喝...

乜呢個世界仲有啲咁嘅人? 乜呢啲叫做恩愛咩? 乜咁樣好型咩? 我唔喺現場,聽人轉述,我已經覺得好難頂...!!!

做人無知識無錢無外貌... 唔緊要... 但最少要有內函...!! 自己唔好, 又點能夠教好下一代?!!

如果我坐喺同一檯, 我會覺得好尷尬!! 侍應先生真係當黑, 亦都替佢感到無奈!! 最難頂係果位大肚婆睇住老公咁嘅言行, 都只係微笑!! 可能佢會覺得咁樣好溫馨好威好甜! 如果係我, 我一定會叫個老公收聲唔好羞家!!

大肚婆唔係大晒架! 要人尊重,先尊重人啦!!

好兄弟...

我有一個好兄弟...

一直好羨慕男生們之間那種友情... 唔計較... 唔麻煩... 夠爽夠直夠義氣...!!

兄弟, 你為咗我, 竟然陪我做你一直不愛做嘅事...!! 真係真係好夠義氣...!!

無錯... 今次實在係一個經典...!! 我其實好清楚... 吸引嘅唔係"醫生"... 而係"我"...!! 哈哈~

在那天之前, 我係唔會得罪你架...!! XD

原來, 我唔需要羨慕男生們之間那種友情, 因為我身邊都有好兄弟1... 2... 3... 4... etc...

So LUCKY I am...

A very SWEET invitation card...

甚少開信箱嘅我, 呢兩日都望一望信箱! 等嘅係一張帖! 見到一封大大嘅白色信封! 係佢喇!

一直以嚟, 收到帖, 都係懶懶閒, 甚至放埋一兩日先打開!

今次呢個白色信封, 喺搭電梯途中我已經打開咗! 再將裡面紅色嘅帖打開埋!

第一眼看, 係看到好耐無見嘅字跡, 呢啲字跡係抄功課年代看得最多! 再打開帖裡面, 哈哈, 真的從心裡面笑了出來! 1,2,3,4, 點解有咁多樣嘢??! 利是, 西餅卡, 中餅卡, 雪糕卷?!! 笑, 唔係因為禮多, 而係覺得呢個人仍然咁可愛! 大家都好懶, 近年好少見面, 差唔多大半年都無見lu! 不過, 朋友, 你仍然將好嘅留俾我! 好甜!!!

係我收過最甜最甜嘅一張帖...!!!

南arrrrrr島...

0600返香港站, 放工竟然仲有力氣入南丫島食個lunch...

離開南丫島... 原來一日嘅節目仲未完...

吉吉-> 行街-> 食飯飲酒-> 飲咖啡...

哇... 咁就11點幾喇...!!

3日訓得7個鐘... super Zzz... Zzz... Zzz...

不過... 同啲簡單,直接,爽快,爆笑,顛喪嘅朋友笑足一日... 倦得嚟都係值得嘅...!! 哈哈...!!

全日最爆笑Top 3 :

1. 佢都係做影相㗎? (佢 = Unkle Beach)
2. 你做影相嘅咩? 唔似咼! 唔好扮嘢咼! (你 = Annchoi)
3. 阿米同annchoi擦出好閃亮嘅火花

It's so fun...!!

CooL but BeauTy...

差不多4:00am起身, 6:00am坐在counter呆著! 凍,貼了暖包還是很凍!

但係原來我鍾意凍! 凍冰冰好冷又好懶! 凍冰冰先會發現溫暖! 夏天冒著汗,只有熱沒有溫暖!

天氣冷,先有雪! 好鍾意雪! 有雪先有雪人! 哈哈!

某幾年的每一年總會看到雪,很冷很美!

某天,我會來探你的 - Mr Snow! 哈哈!

New Member...

正~! 我哋個社區又多了一個新會員~!

歡迎你~! 等你入伙一齊玩~! 哈哈哈~!

guru guru... guru guru...

零晨4點幾... 返工途中嘔... 去急症睇醫生... 習慣了!

腸胃炎又來了... 亦都慣了!

New year eve... bug仔"click"住之餘... 我的胃也同時間"click"住... 痛得連路也行不了!

愛吃愛睡的我... 不能吃不能睡... 實在想死!

最討厭食粥... 要我食粥... 躺在床上... 9個鐘個胃不停guru guru... 10個鐘都睡不著... 很痛苦!

很簡單... 能吃能睡... 足夠了!

2010...

今年new year eve... 要返工... 無得響按同睇煙花...

2010第一件發生嘅事係... Bug仔"click"住咗...

本來要攪好耐... 不過... 最終d工作人員都當無事發生過...

20100101... 都算有啲運仔...

哈哈~